tafraout24
الرئيسية / أخبار / واش كواشي ولا صحفي فتيزنيت ؟ شنو هاد الحالة لي وصلنا ليها ؟

واش كواشي ولا صحفي فتيزنيت ؟ شنو هاد الحالة لي وصلنا ليها ؟

تافراوت24

كلما كان شي نشاط ولا مناسبة كيف ما كان نوعها في تيزنيت ولا المناطق لي قريبة من المدينة الا وكاتشوف واحد الحالة معمرك شفتيها .

شي وحدين ولاو كايحسبو ريوسهوم صحفيين حتى كواش ولا باغي يولي صحفي غا باش يبقى يمشي للتظاهرات لي كاتكون بحال المهرجانات لي كاتكون في تيزنيت ولا الندوات وخادشي لي شافتو تافراوت24 البارح فملتقى الاستثمار لي منظم فالعمالة ديال تيزنيت حيت بانو شي وحدين قالو ليك بلي صحفيين رغم انهم ماعندهوم حتى علاقة بالصحافة ولاخدامين مع شي منبر اعلامي وكايديرو نعم اسيدي الاستجوابات مع المسؤولين مع انهم ماشي صحفيين والمخير فيهوم عندو باج ففيسبوك.

هاد المتطفلين لقاو السيبة فالبلاد وكولشي ولا صحافي بكاميرة ولا غا بورطابل وماعرفوش ان هادشي راه يقدر يديهوم لحبس حيت داكشي كايتسمى انتحال صفة ينظمها القانون ، والمشكل ان المنظمين تاع هاد التظاهرات ماكايطلبوش شي وثيقة تثبث انتماء الشخص للجسم الصحفي بحال وصل الايداع او الملاءمة على الاقل رغم ان البطاقة هي اي كاتبقى اتباث ان الشخص صحفي مهني.

اقليم تيزنيت فيه 5 ولا 6 مواقع الكترونية وكولشي عارفهوم ولكن خاد الجحافل ديال المصورين لاش؟ ولكن هادشي ديال الصحافة ولا كواشي كايتلصق فيه والمشكل كاين فالمغرب كامل حيت المجال ممنظمش وكانتمناو هاد القانون الجديد يحد من هاد”التبرهيش”..

شاهد أيضاً

العثور على جثة هامدة لسائح أجنبي تاه في صحراء المحاميد

بعد مرور أسبوع على مصرع قاصر بالعطش في صحراء محاميد الغزلان، لقي سائح أجنبي يحمل ...

اترك تعليقاً

You have to agree to the comment policy.